'A CANZONE D''E CCANZONE

Ti piace la musica classica napoletana??
Segui il link per acquistare CD o cassette.
Puoi effettuare l'acquisto tramite "server sicuro"
Fai click qui



'A canzone d''e ccanzone,
saglie a ll'alba da 'e ciardine...
fa arapí cchiù 'e nu balcone,
fa cantá tutt''e mmarine...

Va p''o monte e torna a mare
quanno, lenta, scenne 'a sera...
quanno Napule mme pare
na canzone 'e Primmavera...

Tutto canta...
Tutto chiagne e tutto canta
da 'a matina,
da 'a matina 'nfin'â sera...
Che paese,
che paese cantatore!

Ma 'a canzone d''e ccanzone,
ch'hann''a fá?...E' Napulitana!

II

A canzone d''e ccanzone,
è cchiù doce 'e nu suspiro...
sta 'int''e vvoce d''a stagione,
sta 'int'a ll'aria ca respiro...

E chi canta? E va' andivina...
Canta 'o sole, e ll'accumpagna
tutt''azzurro d''a marina,
tutt''o vverde d''a campagna.

Tutto canta...
......................


III

'A canzone d''e ccanzone
sta 'int'a ll'uocchie 'e nénna mia
ca mme guarda e, senza suone,
mette 'a mùseca e 'armunía...

E cu ll'uocchie canta e dice:
"Niente tengo - e niente tène -
tengo sulo, e só' felice,
ninno mio ca mme vò' bene"!

Tutto canta...
......................


Bovio - Valente





Indice Precedente