Ti
piace la musica classica napoletana??
Segui il link per acquistare CD o cassette.
Puoi effettuare l'acquisto tramite "server sicuro" Fai click qui
Rosa, che t'aggi''a scrivere?
Rosa, che t'aggi''a dí?
Stó' tanto malinconico
ca vularría murí...
Chiove, fa friddo...e 'a ll'albere,
cadute sóngo 'e ffronne...
Te chiammo...e mme risponne
ll'eco sultanto, oje Rò'...
Che vuó', che t'aggi''a dicere?!...
Mme vène quase 'a chiagnere
si penzo a mamma bella,
si mm'arricordo 'e te...
"All'erta, sentinella!"
"All'erta sto!"
II
'Nnanze a chist'uocchie, Napule,
bella e lucente sta.
Mme pare sempe 'e sentere
na voce 'e suspirá...
Cántano sempe e canto
tutt''e ccanzone belle...
Lùceno sempe 'e stelle:
sta pe' trasí ll'está'...
Che vuó', che t'aggi''a dicere?!...
.....................................................
"All'erta, sentinella!"
"All'erta sto!"
III
Stó' 'e sentinella 'a ll'unnece
e ancora aggi''a vigliá...
Scrivo e nun 'ngarro a scrivere...
Chiagno?...E che chiagno a fá?
E s'è scugnato 'o láppeso,
'o foglio s'è ghincuto:
ti abbraccio e ti saluto...
non ti scordar di me!
Che vuó', che t'aggi''a dicere?!...
.....................................................
Indice Precedente